ചണ്ഡീഗഡ്: പാകിസ്താനിലെ കര്‍ത്താര്‍പൂര്‍ ഗുരുദ്വാര ദര്‍ബാര്‍ സാഹിബിലേക്കുള്ള കര്‍ത്താര്‍പൂര്‍ ഇടനാഴിയുടെ ഇന്ത്യന്‍ ഭാഗത്തെ നിര്‍മാണം ഈ വര്‍ഷം സെപ്റ്റംബര്‍ 30ഓടുകൂടി പൂര്‍ത്തിയാകുമെന്ന് പഞ്ചാബ് പൊതുമരാമത്ത് മന്ത്രി വിജയ് ഇന്ദര്‍ സിംഗ്ല.
പഞ്ചാബിലെ ദേര ബാബാ നാനാകുമായി കര്‍ത്താര്‍പൂരിലെ ഗുരുദ്വാരയുമായി ബന്ധിപ്പിക്കുന്നതാണ് കര്‍ത്താര്‍പൂര്‍ ഇടനാഴി. ഗുരുനാനാക്കിന്റെ ജന്മദിനമാണ് സെപ്റ്റംബര്‍ 30. പാകിസ്താനിലേയും ഇന്ത്യയിലേയും സിഖ് മതവിശ്വാസികള്‍ക്കു വേണ്ടിയാണ് ഇരു ഗുരുദ്വാരകളിലേക്കും സന്ദര്‍ശനത്തിനായി ഇടനാഴി നിര്‍മിക്കുന്നത്.
പാകിസ്താനിലെ കര്‍ത്താര്‍പൂരിലേക്ക് ഇന്ത്യയില്‍നിന്ന് 4.2 കി.മീറ്റര്‍ ദൂരമുണ്ട്. ആധുനിക സജ്ജീകരണത്തോടെയാണ് ഇന്ത്യന്‍ ഭാഗത്ത് റോഡ് നിര്‍മാണം പുരോഗമിക്കുന്നത്.