ദോഹ: ഖത്തറില്‍ നിന്ന് പുറത്തേക്കും ഖത്തറിലേക്കും യാത്ര ചെയ്യുന്നത് സംബന്ധിച്ച് നേരത്തേ പുറപ്പെടുവിച്ച നിബന്ധനകള്‍ തുടരുമെന്ന് ഖത്തര്‍ ആരോഗ്യ മന്ത്രാലയം അറിയിച്ചു. ഖത്തറിലേക്കെത്തുന്നവര്‍ക്ക് നേരിയ മാറ്റങ്ങളോടെ നിലവിലുള്ള ക്വാറന്റീന്‍ നിബന്ധനകള്‍ തുടരാനാണ് തീരുമാനം. ഇതു പ്രകാരം ഇന്ത്യയില്‍ നിന്നുള്ള യാത്രക്കാര്‍ ഖത്തറിലെത്തിയാല്‍ ഒരാഴ്ച്ച ഹോട്ടല്‍ ക്വാറന്റീനിലും തുടര്‍ന്ന് ഹോം ക്വാറന്റീനിലും കഴിയണം.

കോവിഡ് റിസ്‌ക്ക് കുറഞ്ഞ രാജ്യങ്ങളുടെ പുതിയ പട്ടികയും ഖത്തര്‍ ആരോഗ്യ മന്ത്രാലയം പുറത്തുവിട്ടു. വലിയ തോതില്‍ കോവിഡ് പടരുന്നതിനാല്‍ ഇത്തവണയും ഇന്ത്യ പട്ടികയില്‍ ഇല്ല.