വടവന്നൂര്‍: അല്‍പം നല്ല മഴ  കിട്ടിയതോടെ ആദ്യവിത്തിറക്കല്‍ ആരംഭിച്ചു. വടവന്നൂര്‍, കൊല്ലങ്കോട്, പുതുനഗരം, പെരുവെമ്പ്, കൊടുവായൂര്‍, പട്ടഞ്ചേരി പ്രദേശങ്ങളിലാണ് ഒന്നാം വിളവെടുപ്പിനുള്ള വിത്തിറക്കല്‍ ആരംഭിച്ചത്. എന്നാല്‍ കൃഷിഭവനുകളില്‍ വിത്തിനു ക്ഷാമം നേരിടുന്നതിനാല്‍ കര്‍ഷകര്‍ പ്രതിസന്ധിയിലായിരിക്കുകയാണ്.  
ആവശ്യത്തിനുള്ള നെല്‍വിത്ത് കേരള സീഡ് അതോറിറ്റിയുടെ എരുത്തേമ്പതിയിലുള്ള സംസ്‌കരണ കേന്ദ്രത്തില്‍നിന്ന് കൃഷിഭവനുകളിലേക്ക് എത്താത്തതാണ് ഇതിനു കാരണമെന്നും. എല്ലാ കര്‍ഷകര്‍ക്കും  ലഭിക്കാവുന്ന തരത്തിലേക്ക് വിത്തുകള്‍  നല്‍കുവാന്‍ നടപടിയെടുക്കണമെന്നാണ് കര്‍ഷകരുടെ ആവശ്യം.