കമ്പളക്കാട്: മുസ്‌ലിം യൂത്ത് ലീഗ് കമ്പളക്കാട് ടൗണ്‍ കമ്മിറ്റിയുടെ ആഭിമുഖ്യത്തില്‍ ജലസഭയും എസ്.എസ്.എല്‍.സി പരീക്ഷയിലെ ഉന്നത വിജയികള്‍ക്കുള്ള  അനുമോദനവും സംഘടിപ്പിച്ചു.
 ജലസഭയുടെ ഉദ്ഘാടനം യൂത്ത്‌ലീഗ് സംസ്ഥാന വൈസ് പ്രസിഡന്റ് പി ഇസ്മായില്‍ നിര്‍വഹിച്ചു. ഹാരിസ് മാട്ടായി അധ്യക്ഷനായി. എ പ്ലസ് നേടിയ വിദ്യാര്‍ഥികള്‍ക്ക് വി.പി യൂസഫ് ഉപഹാരം നല്‍കി.
കൃഷി ഓഫിസര്‍ കെ.ജി സുനില്‍ മുഖ്യപ്രഭാഷണം നടത്തി. നൂര്‍ഷ ചേനോത്ത് ജല ബജറ്റ് അവതരിപ്പിച്ചു. മലിനജല ശുദ്ധീകരണത്തിലൂടെ മാതൃകയായ ചെറുകാട്ടില്‍ വര്‍ഗീസ് മുഖ്യാതിഥിയായിരുന്നു. ഫസല്‍ സി.എച്ച്, പി.സി മജീദ്, കെ.എം ഫൈസല്‍, സുനീറ പഞ്ചാര, എ.കെ സൈതലവി, ജൗഹര്‍ പുതിയാണ്ടി, ബഷീര്‍ പഞ്ചാര, റഷീദ് കുന്നത്ത്, റഷീദ് താഴത്തേരി, ബഷീര്‍ തോപ്പില്‍, കെ.ടി ഹംസ, കെ.എം മുഹമ്മദലി, പത്തായക്കോടന്‍ മൊയ്തു സംസാരിച്ചു. റഷീദ് ചെറുവന്നശേരി സ്വാഗതവും ജംഷീദ് കെ.കെ നന്ദിയും പറഞ്ഞു.