കുടുംബശ്രീ ജില്ലാ വാര്‍ഷികം സകുടുംബശ്രീ ജില്ലാ വാര്‍ഷികം സമാപിച്ചുമാപിച്ചു

backup

May 14 2017 | 21:05 PM

%e0%b4%95%e0%b5%81%e0%b4%9f%e0%b5%81%e0%b4%82%e0%b4%ac%e0%b4%b6%e0%b5%8d%e0%b4%b0%e0%b5%80-%e0%b4%9c%e0%b4%bf%e0%b4%b2%e0%b5%8d%e0%b4%b2%e0%b4%be-%e0%b4%b5%e0%b4%be%e0%b4%b0%e0%b5%8d%e2%80%8d-2

കല്‍പ്പറ്റ: കുടുംബശ്രീ വാര്‍ഷികം കല്‍പ്പറ്റ ചന്ദ്രഗിരി ഓഡിറ്റോറിയത്തിലും എസ്.കെ.എം.ജെ ഹൈസ്‌കൂളിലുമായി ആഘോഷിച്ചു. ആദ്യ ഇനമായ നാടോടി നൃത്തം മുതല്‍ ഓരോ മത്സരത്തിലും ആവേശത്തോടെ പങ്കാളികളായ കുടുംബശ്രീ പ്രവര്‍ത്തകര്‍ ഓരോ പ്രകടനങ്ങളും നിറഞ്ഞ കൈയടികളോടെ നെഞ്ചേറ്റി. സ്റ്റേജ് ഇനങ്ങളില്‍ പതിനാറും സ്റ്റേജിതര ഇനങ്ങളില്‍ ഏഴെണ്ണത്തിലുമാണ് മത്സരം നടന്നത്.
110 പോയിന്റ് നേടി സുല്‍ത്താന്‍ ബത്തേരി താലൂക്ക് ഓവറോള്‍ നേടി. വൈത്തിരി, മാനന്തവാടി താലൂക്കുകള്‍ക്ക് രണ്ടും മൂന്നും സ്ഥാനങ്ങള്‍ ലഭിച്ചു. കണിയാമ്പറ്റ, അമ്പലവയല്‍, പനമരം എന്നീ സി.ഡി.എസുകള്‍ യഥാക്രമം ഒന്നും രണ്ടും മൂന്നും സ്ഥാനം നേടി. മിമിക്രി, മോണോ ആക്ട് എന്നീ മത്സരങ്ങളില്‍ ഒന്നാം സ്ഥാനങ്ങള്‍ നേടിയ വെങ്ങപ്പള്ളി സി.ഡി.എസിലെ സരോജിനി കലാതിലകമായി തെരഞ്ഞെടുക്കപ്പെട്ടു.
സി.കെ ശശീന്ദ്രന്‍ എം.എല്‍.എ വാര്‍ഷികാഘോഷം ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി അധ്യക്ഷയായി. കലാമത്സരങ്ങള്‍ ചലച്ചിത്ര താരം അബൂസലീം ഉദ്ഘാടനം ചെയ്തു. കുടുംബശ്രീ സി.ഡി.എസുകള്‍ക്കുള്ള ആനുകൂല്യങ്ങള്‍ ഒ.ആര്‍ കേളു എം.എല്‍.എ വിതരണം ചെയ്തു. സുല്‍ത്താന്‍ ബത്തേരി ബ്ലോക്ക് പഞ്ചായത്ത് പ്രസിഡന്റ് ലത ശശി, കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ എന്നിവര്‍ സംബന്ധിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."