പേരാമ്പ്ര: വിദ്യാലയങ്ങളില്‍ വര്‍ധിച്ചു വരുന്ന റാഗിങിനെതിരേ വിദ്യാര്‍ഥി സമൂഹം ഒറ്റകെട്ടായി രംഗത്തുവരണമെന്ന് എം.എസ്.എഫ് പേരാമ്പ്ര നിയോജക മണ്ഡലം കമ്മിറ്റി ആവശ്യപ്പെട്ടു. 'വിദ്യാര്‍ഥിത്വം ഉയര്‍ത്തുക ' എന്ന മുദ്രാവാക്യമുയര്‍ത്തി ജൂലായ് 30, 31 തിയതികളില്‍ കണ്ണൂരില്‍ നടക്കുന്ന എം.എസ്.എഫ് സംസ്ഥാന സമ്മേളനം വിജയമാക്കാന്‍ യോഗം തീരുമാനിച്ചു. പരിപാടിയുടെ ഭാഗമായി സന്ദേശയാത്രകള്‍, ക്യാംപസ് ബോധവല്‍ക്കരണം, പതാകദിനം എന്നിവ സംഘടിപ്പിക്കാനും യോഗം തീരുമാനിച്ചു. ലത്തീഫ് തുറയൂര്‍ ഉദ്ഘാടനം ചെയ്തു. സുഹൈല്‍ അരിക്കുളം അധ്യക്ഷത വഹിച്ചു. ജൈസല്‍ കന്നാട്ടി, മുനീര്‍ നൊച്ചാട്, ജൗഹര്‍ പാലേരി, ഹബീബ് റഹ്മാന്‍, സഹല്‍ മേപ്പയ്യൂര്‍, നബീല്‍ കുട്ടോത്ത്, അനസ് വാളൂര്‍, ഫൈസല്‍ കടിയങ്ങാട്, അസ്സഹര്‍ പുറവുര്‍ , ജുനൈദ് കല്ലോട് പ്രസംഗിച്ചു.