കൊച്ചി: മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിന് കള്ളപ്പണകേസില്‍ എന്‍ഫോഴ്‌സ്‌മെന്റ് അറസ്റ്റ് ചെയ്തതിന് പിന്നാലെ ഐ ഫോണ്‍ കുരുക്കും. വടക്കാഞ്ചേരി ലൈഫ് മിഷന്‍ പദ്ധതിയുടെ നിര്‍മാണക്കരാറിനായി യൂനിടാക് ഉടമ സന്തോഷ് ഈപ്പന്‍ കമ്മീഷന്‍ തുകയ്ക്ക് പുറമെ നല്‍കിയ അഞ്ച് ഐ ഫോണുകളില്‍ ഒന്ന് ലഭിച്ചത് എം. ശിവശങ്കറിന്.

സ്വപ്‌ന പറഞ്ഞത് അനുസരിച്ച് വാങ്ങി നല്‍കിയ ഫോണുകളില്‍ ഒരു ലക്ഷം രൂപയോളം വില വരുന്ന ഫോണാണ് ശിവശങ്കര്‍ ഉപയോഗിച്ചിരുന്നത്. ശിവശങ്കര്‍ തന്നെയാണ് താന്‍ ഉപയോഗിക്കുന്ന ഫോണുകള്‍ സംബന്ധിച്ച് എന്‍ഫോഴ്‌സ്‌മെന്റ് ഡയറക്ടറേറ്റിന്് എഴുതി നല്‍കിയത്. ഇതിലൊരു ഫോണിന്റെ ഐ.എം.ഇ.ഐ നമ്പര്‍ യൂനിടാക്ക് കോടതിയില്‍ സമര്‍പ്പിച്ച ഫോണുകളുടെ വിവരത്തിലുമുണ്ട്.