ചാവക്കാട്: പുനര്‍ നിര്‍മാണം കഴിഞ്ഞ ഇരട്ടപ്പുഴ മുഹയുദ്ധീന്‍ മസ്ജിദിന്റെ ഉദ്ഘാടനം നാളെ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തിലറയിച്ചു. നാളെ മഗ്‌രിബ് നമസ്‌കാരത്തിനു നേതൃത്വം നല്‍കി കേരള വഖഫ് ബോര്‍ഡ് ചെയര്‍മാന്‍ പാണക്കാട് റഷീദലി ശിഹാബ് തങ്ങളാണ് മസ്ജിദിന്റെ ഉദ്ഘാടനം നിര്‍വഹിക്കുന്നത്.
    മണത്തല ജുമാഅത്ത് ഖത്തീബ് കമറുദ്ധീന്‍ ബാദുഷ തങ്ങള്‍, അഹമ്മദ് കബീര്‍ മന്നാനി  കല്ലമ്പലം എന്നിവര്‍ പങ്കെടുക്കും. മസ്ജിദിന്റെ ഉദ്ഘാടനം പ്രമാണിച്ച്  ചൊവ്വാഴ്ച്ച സ്ത്രീകളടക്കമുള്ള എല്ലാവിഭാഗം ആളുകള്‍ക്കും രാത്രി ഏറെ വൈകിയും മസ്ജിദ് സന്ദര്‍ശിക്കാനുള്ള സൗകര്യവും കമ്മിറ്റി ഭാരവാഹികള്‍ ഏര്‍പ്പെടുത്തിയിട്ടുണ്ട്. ഈ വെള്ളിയാഴ്ചയോടെ ജുമാ നമസ്‌കാരത്തിനു തുടക്കം കുറിക്കുമെന്നും ഭാരവാഹികള്‍ പറഞ്ഞു. വാര്‍ത്താ സമ്മേളനത്തില്‍ ജനറല്‍ സെക്രട്ടറി എ.ഹനീഫ, ട്രഷറര്‍ പി.എച്ച് ഹാരിസ്, മെമ്പര്‍ ആര്‍.എം സക്കീര്‍ എന്നിവര്‍ പങ്കെടുത്തു.