കക്കട്ടില്‍: റഹ്മ വെല്‍ഫെയര്‍ സൊസൈറ്റിയും നാട്ടുകാരും ചേര്‍ന്നു കുളങ്ങരത്ത് സംഘടിപ്പിച്ച സ്മാഷ് ജനപങ്കാളിത്തം കൊണ്ട് ശ്രദ്ധേയമായി. സംസ്ഥാനപാത വികസനത്തോടെ നഷ്ടമായ വോളിബോള്‍ കോര്‍ട്ട് വീണ്ടെടുക്കാനാണ് പ്രദേശത്തുകാര്‍ ഏകദിന വോളിമേള സംഘടിപ്പിച്ചത്. ഫൈനലില്‍ ചേലക്കാട് എമിനന്റ് സ്‌പോര്‍ട്ടിങ് ക്ലബ് റഹ്മ കുളങ്ങരത്തെ പരാജയപ്പെടുത്തി ജേതാക്കളായി. കുന്നുമ്മല്‍ പഞ്ചായത്ത് പ്രസിഡന്റ് കെ.ടി രാജന്‍ വോളിമേള ഉദ്ഘാടനം ചെയ്തു. കുറ്റ്യാടി സി.ഐ ടി.എസ് ശ്രീജിത്ത് കളിക്കാരെ പരിചയപ്പെട്ടു. രവീന്ദ്രന്‍ കോര്‍മ്മാങ്കണ്ടി, അനില്‍കുമാര്‍ കിഴക്കയില്‍, വി.വി പ്രഭാകരന്‍ മാസ്റ്റര്‍, പി.സി അബ്ദുറഹ്മാന്‍ ഹാജി, രാജന്‍ കോളോറേമ്മല്‍, വി.കെ കുഞ്ഞിരാമന്‍, നാണു മാക്കൂട്ടത്തില്‍, സി. സജീര്‍ സംസാരിച്ചു. സി.എച്ച് അബ്ദുല്‍ ലത്തീഫ് അധ്യക്ഷനായി. വിജയികള്‍ക്കുള്ള ട്രോഫി എ.എം.ജി റോട്ടാന മാനേജിങ് ഡയറക്ടര്‍ കെ.കെ അബ്ദുറഹ്മാന്‍ ഹാജി, ഡോ. ഷാജഹാന്‍ എന്നിവര്‍ സമ്മാനിച്ചു.