പേരാമ്പ്ര: രൂക്ഷമായ പൊടിശല്യം കാരണം പേരാമ്പ്ര ടൗണില്‍ യാത്രാദുരിതം. നേരത്തെ ബി.എസ്.എന്‍.എല്‍ കേബിള്‍ തകരാര്‍ പരിഹരിക്കാനും പുതിയ കേബിള്‍ സ്ഥാപിക്കാനും വിവിധ ഭാഗങ്ങളിലായി നിരവധി കുഴികളെടുത്തിരുന്നു. ഇതുമൂടിയ മണ്ണ് നിലത്ത് ഉറയ്ക്കാത്തതാണ് പൊടിശല്യത്തിനു കാരണം. അന്‍പത് മീറ്റര്‍ ദൂരപരിധിക്കുള്ളിലായി കുഴിയെടുത്തതോടെ കച്ചവടക്കാരും വാഹനങ്ങളും ദുരിതത്തിലായിരിക്കുകയാണ്. കുഴികളില്‍ നിന്ന് പുറത്തിട്ട മണ്ണും കല്ലും നികത്തുമ്പോള്‍ പൂര്‍ണമായി ഉപയോഗപ്പെടത്താതെ കിടക്കുന്ന അവസ്ഥയാണ്.
പൊതുമരാമത്ത് വകുപ്പ് ഓഫിസുമായി ബന്ധപ്പെടുമ്പോള്‍ ഉടനെ പരിഹാരം കാണുമെന്ന മറുപടിയാണ് ലഭിക്കുന്നത്. കുഴികള്‍ പലതും നികത്താതെ കിടക്കുന്നതിലും പൊതുമരാമത്ത് ജീവനക്കാരുടെ സമീപനത്തിലും പ്രതിഷേധമുയരുകയാണ്