കോഴിക്കോട്: കാജുകാഡോ കരാട്ടേ ആന്‍ഡ് മാര്‍ഷല്‍ ആര്‍ട്‌സ് അക്കാദമി സംഘടിപ്പിക്കുന്ന 10-ാത് ഫുള്‍ കോണ്‍ടാക്ട് ഓള്‍ സ്റ്റൈല്‍ മാര്‍ഷല്‍ ആര്‍ട്‌സ് ടൂര്‍ണമെന്റ് 20, 21 തിയതികളില്‍ കോഴിക്കോട് വി.കെ കൃഷ്ണമേനോന്‍ ഇന്‍ഡോര്‍ സ്റ്റേഡിയത്തില്‍ നടക്കും. വിവിധ സംസ്ഥാനങ്ങളില്‍ നിന്നായി 500ല്‍പരം കായിക താരങ്ങള്‍ പങ്കെടുക്കും.
കോര്‍പറേഷന്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എം. രാധാകൃഷ്ണന്‍ മാസ്റ്റര്‍ മത്സരം ഫ്‌ളാഗ്ഓഫ് ചെയ്യും. സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ ഉദ്ഘാടനം ചെയ്യും. മുന്‍ മേയര്‍ എം. ഭാസ്‌കരന്‍ അധ്യക്ഷനാകും. 21ന് നടക്കുന്ന സമാപന പരിപാടി എം.കെ രാഘവന്‍ എം.പി ഉദ്ഘാടനം ചെയ്യും. വാര്‍ത്താസമ്മേളനത്തില്‍ എം. ഭാസ്‌കരന്‍, പി.കെ ജയരാജ്, അബ്ദുല്‍ നാസര്‍, എം. ഗണേശന്‍, പത്മനാഭന്‍, കിരണ്‍കുമാര്‍, മധുകുമാര്‍, രേണുകദേവി പങ്കെടുത്തു.