കുവൈറ്റ്: കാരുണ്യത്തിന്റെയും സ്‌നേഹത്തിന്റെയും സഹനത്തിന്റെയും പ്രവാചക മാതൃക ആധുനിക സമൂഹത്തിനും ഉത്തമമായ മാതൃകയാണ് എന്നും മാനവീകതിയില്‍ അധിഷ്ടിതമായ ആ ജീവിതം പകര്‍ത്തുവാന്‍ പരിശ്രമിക്കണമെന്നും പ്രഭാഷകന്‍ മുഹമ്മദ് സ്വാലിഹ് ഹുദവി പറഞ്ഞു.
കെ.കെ.എം.എ സംഘടിപ്പിച്ച സൂം വെബിനാറില്‍ ഇഷ്‌ഖെ റസൂല്‍ പരിപാടിയില്‍ സംസാരിക്കുകയായിരുന്നു അദ്ദേഹം.

കുവൈത്ത് കേരള മുസ്ലിം അസോസിയേഷന്‍ ( കെ കെ എം എ ) മതകാര്യവിഭാത്തിന് കീഴില്‍ നടന്ന ഇഷ്‌ഖെ റസൂല്‍ പരിപാടി കേന്ദ്ര വൈ. ചെയര്‍മാന്‍ അബ്ദുല്‍ ഫത്താഹ് തയ്യില്‍ ഉദ്ഘാടനം ചെയ്തു.

മതകാര്യ വിഭാഗം ഉപാദ്ധ്യക്ഷന്‍ എ.വി. മുസ്തഫ അദ്ധ്യക്ഷനായിരുന്ന പരിപാടിയില്‍ കലാം മൗലവി ഖുര്‍ആന്‍ പാരായാണം നടത്തി. പാട്രന്‍ സഗീര്‍ തൃക്കരിപ്പൂര്‍, പി കെ.അക്ബര്‍ സിദ്ദീഖ്, പ്രസിഡന്റ് എ.പി. അബ്ദുല്‍ സലാം കവ്വായി , ജന. സെക്രട്ടറി കെ.സി റഫീഖ് സംസാരിച്ചു.

കേന്ദ്ര ട്രഷറര്‍ സി. ഫിറോസ്, ഇബ്രാഹിം കുന്നില്‍,സംസ്ഥാന നേതാക്കളായ മുഹമ്മദ് അലി മാത്ര, സംസ്ഥാന പ്രസിഡന്റ് കെ കെ അബ്ദുള്ള എന്നിവര്‍ പങ്കെടുത്തു. ി എം അഷ്റഫിന്റെ നേതൃത്വത്തില്‍ മറ്റു സോണല്‍ - ബ്രാഞ്ച് തലങ്ങളില്‍ നിന്നുള്ള മത കാര്യം വിഭാഗം വൈസ് പ്രസിഡന്റ്മാര്‍ യൂണിറ്റ് നേതാക്കള്‍ പരിപാടി ക്രമീകരിച്ചു