ലഖ്‌നൗ: നിയമസഭയില്‍ അമ്മാവന്‍ ശിവ്പാല്‍ യാദവിനോട് പുറംതിരിഞ്ഞ് സമാജ്‌വാദി പാര്‍ട്ടി നേതാവ് അഖിലേഷ് യാദവ്.
ഉത്തര്‍പ്രദേശ് നിയമസഭയുടെ സംയുക്ത സമ്മേളനത്തിലാണ് ശിവപാലിനോട് ചിരിക്കാനോ സംസാരിക്കാനോ കൂട്ടാക്കാതെ അഖിലേഷ് അതൃപ്തിയറിയിച്ചത്.
നിയമസഭയിലെത്തിയ ശിവ്പാല്‍ എസ്.പി എം.എല്‍.എമാര്‍ക്കൊപ്പം അവസാനനിരയില്‍ സ്ഥാനംപിടിച്ചപ്പോള്‍ അഖിലേഷ് അവിടെനിന്നു മാറി മുന്‍നിരയിലിരിക്കുകയായിരുന്നു.
എസ്.പി എം.എല്‍.എമാര്‍ നല്‍കിയ ചുവപ്പ് തൊപ്പിയണിഞ്ഞാണ് ശിവ്പാല്‍ പ്രതിപക്ഷത്തോടൊപ്പം നിലയുറപ്പിച്ചത്. എന്നാല്‍, അഖിലേഷ് അദ്ദേഹത്തില്‍നിന്ന് മാറിനില്‍ക്കുകയായിരുന്നു.
കഴിഞ്ഞയാഴ്ച മുലായം സിങ് യാദവുമായി ചേര്‍ന്ന് ശിവ്പാല്‍ യാദവ് പുതിയ പാര്‍ട്ടിക്ക് രൂപം നല്‍കിയിരുന്നു.