തിരുവനന്തപുരം: ബി.ജെ.പിയെ പ്രതിരോധിക്കാന്‍ കോണ്‍ഗ്രസിനെ വിജയിപ്പിക്കണമെന്ന തരത്തില്‍ ജനങ്ങളിലുണ്ടായ ധാരണ തെരഞ്ഞെടുപ്പിലെ തോല്‍വിക്ക് പ്രധാനകാരണമായെന്ന വിലയിരുത്തലില്‍ എല്‍.ഡി.എഫ് യോഗം.

ലോക്‌സഭാ തെരഞ്ഞെടുപ്പ് ഫലപ്രഖ്യാപനത്തിന് ശേഷം ചേര്‍ന്ന ആദ്യ അവലോകന യോഗത്തിലാണ് പരാജയം സംബന്ധിച്ച വിലയിരുത്തലുണ്ടായിരിക്കുന്നത്. വിശ്വാസി സമൂഹം വലിയ തോതില്‍ തെറ്റിദ്ധരിക്കപ്പെട്ടതായി ഇടതുമുന്നണി കണ്‍വീനര്‍ എ. വിജയരാഘവന്‍ വാര്‍ത്താ സമ്മേളനത്തില്‍ പറഞ്ഞു.
ശബരിമല വിഷയത്തില്‍ കോണ്‍ഗ്രസും-ബി.ജെ.പിയും നടത്തിയ ആരോപണങ്ങളെ ഫലപ്രദമായി പ്രതിരോധിക്കാന്‍ സാധിച്ചില്ല. ജനങ്ങളിലുണ്ടായ തെറ്റിദ്ധാരണ നീക്കാന്‍ നടപടി സ്വീകരിക്കുമെന്നും അദ്ദേഹം കൂട്ടിച്ചേര്‍ത്തു.