വാഷിങ്ടണ്‍: വിക്കിലീക്‌സ് സ്ഥാപകന്‍ ജൂലിയന്‍ അസാന്‍ജയെ കൈമാറാന്‍ യു.എസ് ബ്രിട്ടനോട് ഔദ്യോഗികമായി ആവശ്യപ്പെട്ടു. സര്‍ക്കാര്‍ രേഖകള്‍ ചോര്‍ത്തിയെന്ന് ആരോപിച്ചാണ് ജസ്റ്റിസ് ഡിപ്പാര്‍ട്ട്‌മെന്റ് ഇക്കാര്യം ആവശ്യപ്പെട്ടത്. അസാന്‍ജയെ കൈമാറാനുള്ള അപേക്ഷ യു.എസില്‍ നിന്ന് ലഭിച്ചെന്ന് ബ്രിട്ടന്‍ ആഭ്യന്തര സുരക്ഷാ മന്ത്രാലയം അറിയിച്ചു. ഏപ്രില്‍ 11 നാണ് അസാന്‍ജയെ ബ്രിട്ടിഷ് പൊലിസ് അറസ്റ്റ് ചെയ്തത്. 2012 മുതല്‍ എംബസിയില്‍ അഭയാര്‍ഥിയായി താമസിക്കുകയായിരുന്നു അസാന്‍ജ. അസാന്‍ജക്ക് നല്‍കിയിരുന്ന രാഷ്ട്രീയാഭയം ഇക്വഡോര്‍ പിന്‍വലിച്ചതിനെ തുടര്‍ന്നാണ് അറസ്റ്റ്.