തൃശൂര്‍: തൃശൂര്‍ പുതുക്കാട് നവജാത ശിശുക്കളെ കൊന്ന് കുഴിച്ചിട്ട സംഭവത്തില്‍ മാതാവിന്റെ മൊഴി. ആദ്യ കുഞ്ഞിന്റേത് സ്വാഭാവിക മരണമാണെന്നും രണ്ടാമത്തെ കുഞ്ഞിനെ കൊലപ്പെടുത്തിയതാണെന്നും മാതാവ് അനീഷ മൊവി നല്‍കിയതായി റൂറല്‍ എസ്. പി സ്ഥിരീകരിച്ചു. നവജാതശിശുക്കളെ കുഴിച്ചു മൂടിയ സംഭവം ഇന്ന് രാവിലെയാണ് പുറത്തറിയുന്നത്. 

ALSO READ: കമിതാക്കള്‍ ചേര്‍ന്ന് നവജാത ശിശുക്കളെ കുഴിച്ചിട്ടു, കൊന്നത് രണ്ട് കുഞ്ഞുങ്ങളെ; കര്‍മം ചെയ്യാന്‍ അസ്ഥികള്‍ സൂക്ഷിച്ചു!, സംഭവം തൃശൂരില്‍

ഇന്ന് രാവിലെയാണ് നാടിനെ നടുക്കിയ സംഭവം പുറത്തറിയുന്നത്. രണ്ടു തവണയായി ജനിച്ച കുഞ്ഞുങ്ങളെയാണ് കുഴിച്ചിട്ടത്. മാതാപിതാക്കളായ ആമ്പല്ലൂര്‍ സ്വദേശി ഭവിന്‍, വെള്ളിക്കുളങ്ങര സ്വദേശി അനീഷ എന്നിവരെ പൊലിസ് കസ്റ്റഡിയിലെടുത്തു. കുട്ടികളുടെ കര്‍മ്മം ചെയ്യാന്‍ വേണ്ടി സൂക്ഷിച്ച അസ്ഥിയുമായി ഭവിന്‍ സ്റ്റേഷനിലെത്തി സംസാരിച്ചതോടെയാണ് വിവരം പുറത്തുവന്നത്. ഇന്ന് പുലര്‍ച്ചെ രണ്ട് മണിയോടെയാണ് യുവാവ് പൊലിസ് സ്റ്റേഷനിലെത്തിയത്.  അവിവാഹിതരാണ് മാതാപിതാക്കള്‍. 2021ലും 2024 ലുമായിരുന്നു പ്രസവം നടന്നത്. ആദ്യ പ്രസവം വീട്ടിലെ ശുചി മുറിയില്‍ വെച്ചായിരുന്നു.

ALSO READ: സ്വന്തം ഫാമില്‍ പശുക്കളെ നോക്കാനെത്തിയ ക്ഷീര കര്‍ഷകനെ പതിയിരുന്ന് ആക്രമിച്ച് ഗുഗിള്‍പേ വഴി പണം കവര്‍ന്നു

സ്വാഭാവിക മരണം സംഭവിച്ച കുട്ടിയെ രഹസ്യമായി അനീഷയുടെ വീട്ടുവളപ്പില്‍ കുഴിച്ചിടുകയായിരുന്നു. രണ്ടാമത്തെ പ്രസവം നടന്നത് യുവതിയുടെ വീട്ടിലെ മുറിയില്‍ വെച്ചായിരുന്നുവെന്നും പിന്നീട് കുഞ്ഞിനെ കൊലപ്പെടുത്തിയ ശേഷം മൃതദേഹം സ്‌കൂട്ടറില്‍ അനീഷ ഭവിന്റെ വീട്ടിലെത്തിച്ച് വീട്ടുവളപ്പില്‍ കുഴിച്ചിടുകയായിരുന്നു എന്നും ഭവിന്‍ രാവിലെ നല്‍കിയ മൊഴിയില്‍ പറയുന്നു. അനീഷയും മൊഴി നല്‍കിയിട്ടുണ്ട്. 

കുട്ടികളുടെ അസ്ഥി തൃശൂര്‍ മെഡിക്കല്‍ കോളജ് ഫോറന്‍സിക് തലവന്‍ ഡോ.ഉമേഷിന്റെ നേതൃത്വത്തില്‍ പരിശോധന നടത്തും.

In a shocking incident from Puthukkad, Thrissur, an unmarried couple buried two newborns, with the mother confessing to killing the second child. The first reportedly died of natural causes. Police have taken both into custody, and a forensic probe is underway.