മൊഗാധിഷു: സൊമാലിയയില്‍ വിമാനത്താവളത്തിനു സമീപമുണ്ടായ ഇരട്ടസ്‌ഫോടനത്തില്‍ 13 പേര്‍ കൊല്ലപ്പെട്ടു. സൊമാലിയയുടെ തലസ്ഥാനമായ മൊഗാധിഷുവിലെ വിമാനത്താവളത്തിനു സമീപമാണ് സ്‌ഫോടനമുണ്ടായത്.

സ്‌ഫോടനത്തില്‍ കൊല്ലപ്പെട്ട ഒമ്പത് പേര്‍ യു.എന്‍ സെക്യൂരിറ്റ് സേനയില്‍പ്പെട്ടവരും മൂന്നു പേര്‍ സിവിലിയന്‍മാരുമാണെന്ന് പ്രദേശിക ഭരണ വക്താവ് അബ്ദിഫതാഹ് ഒമര്‍ ഹലാന്‍ പറഞ്ഞു. നിരവധി പേര്‍ക്ക് പരുക്കേറ്റതായും ഇവരെ അടുത്തുള്ള ആശുപത്രിയില്‍ പ്രവേശിപ്പിച്ചതായും അദ്ദേഹം അറിയിച്ചു.

തലസ്ഥാന നഗരിയിലെ അഫ്രിക്കന്‍ യൂണിയന്‍ ഓഫിസ് ലക്ഷ്യമാക്കിയാണ് ആക്രമണം നടന്നതെന്ന് അധികൃതര്‍ അറിയിച്ചു. ആദ്യ സ്‌ഫോടനം നടന്നത് കെട്ടിടത്തിന്റെ കെട്ടിടത്തിന്റെ പ്രവേശന കവാടത്തിന് സമീപത്ത് നിന്നാണ്. രണ്ടാമത്തേതാവട്ടെ ചെക്കിങ് പോയിന്റിന് സമീപത്ത് നിന്നും. ആഫ്രിക്കന്‍ യൂണിയന്‍ ട്രൂപ്‌സിന്റെ ഓഫിസ് നിലകൊള്ളുന്നത് മൊഗാധിഷു വിമാനത്താവളത്തിന് സമീപമാണ്.
ആക്രമണത്തിന്റെ ഉത്തരാവദിത്തം അല്‍ ഷബാബ് തീവ്രവാദികള്‍ ഏറ്റെടുത്തതായി അല്‍ ജസീറ റിപ്പോര്‍ട്ട് ചെയ്തു.