തളിപ്പറമ്പ്: കേന്ദ്ര സ്‌കില്‍ ഡവലപ്‌മെന്റ് ആന്റ് എന്റര്‍പ്രണര്‍ഷിപ്പ് മന്ത്രി രാജീവ് പ്രതാപ് റൂഡി ഇന്ന് രാവിലെ 11ന് പരിയാരം നിര്‍മല ഐ.ടി.സി സന്ദര്‍ശിക്കും. പരിയാരം ഏമ്പേറ്റില്‍ കഴിഞ്ഞ 41 വര്‍ഷമായി ജെസ്യൂട്ട് ഫാദേഴ്‌സിന്റെ കീഴില്‍ പ്രവര്‍ത്തിക്കുന്നതാണ് നിര്‍മല ഐടിസി. കണ്ണൂര്‍ ഗവ. ഐ.ടി.ഐയും മന്ത്രി സന്ദര്‍ശിക്കുമെന്ന് പ്രിന്‍സിപ്പല്‍ ഫാ. ജോ മാത്യു അറിയിച്ചു. രാജ്യത്തെ ഐ.ടി.ഐകളെ മികവിന്റെ കേന്ദ്രങ്ങളാക്കുക എന്ന ലക്ഷ്യത്തോടെ മന്ത്രി റൂഡി വിവിധ സംസ്ഥാനങ്ങളിലെ ഐ.ടി.ഐകള്‍ സന്ദര്‍ശിച്ചു വരികയാണ്.