പാവറട്ടി: വെങ്കിടങ്ങ് ഗ്രാമപഞ്ചായത്തിലെ എട്ടാം വാര്‍ഡില്‍ ഇരുപതോളം വീടുകള്‍ക്ക് ഭീഷണിയായ വെള്ളക്കെട്ട് ഒഴിവക്കാന്‍ എ.ഐ.വൈ.എഫ് വെങ്കിടങ്ങ് പഞ്ചായത്ത് കമ്മിറ്റിയുടെ നേതൃത്വത്തില്‍ പ്രതിഷേധ സന്നദ്ധ പ്രവര്‍ത്തനം നടത്തി. 200 മീറ്ററോളം തൂര്‍ന്ന് കിടന്നിരുന്ന കാനകളും തോടുകളും പൊട്ടിച്ചാണ് വെള്ളക്കെട്ട് ഒഴിവാക്കിയത്.
മണ്ഡലം പ്രസിഡന്റ് കെ.എച്ച് നജീബ് ഉദ്ഘാടനം ചെയ്തു. പഞ്ചായത്ത് സെക്രട്ടറി അജ്മല്‍ എം.എ, നിവിന്‍ ചന്ദ്രന്‍, ഹരികൃഷ്ണന്‍, കെ.എം ശംസീര്‍, അജയ്, സി.ആര്‍ ദിലീപ് നേതൃത്വം നല്‍കി.