ക്വാലാലംപൂര്‍: ഒട്ടേറെ കിരീടങ്ങള്‍ സ്വന്തമാക്കിയ മുന്‍ ലോക ഒന്നാം നമ്പര്‍ ബാഡ്മിന്റണ്‍ താരം മലേഷ്യയുടെ ലീ ചോങ് വെയ് വിരമിക്കല്‍ പ്രഖ്യാപിച്ചു. ഏറെ നാളായി അര്‍ബുദത്തോട് പൊരുതുന്ന ലീ തിരിച്ചുവരുമെന്ന് നേരത്തെ താരം തന്നെ അറിയിച്ചിരുന്നു. കഴിഞ്ഞ ദിവസമാണ് ലീ അപ്രതീക്ഷിതമായി വിരമിക്കല്‍ പ്രഖ്യാപിച്ചത്. 19 വര്‍ഷം നീണ്ട കരിയര്‍ അവസാനിപ്പിക്കുകയാണെന്നും പിന്തുണച്ചവര്‍ക്ക് നന്ദിയുണ്ടെന്നും ലീ വാര്‍ത്താസമ്മേളനത്തില്‍ പറഞ്ഞു.
മൂന്നുതവണ ഒളിംപിക്‌സ് വെള്ളി മെഡല്‍ സ്വന്തമാക്കിയ താരമാണ് ലീ. ആരോഗ്യത്തിന് കൂടുതല്‍ പ്രാധാന്യം നല്‍കുന്നതിനാല്‍ കളിയില്‍നിന്ന് വിരമിക്കുകയാണെന്ന് ലീ പറഞ്ഞു. മലേഷ്യയിലെ സമ്പന്നനായ കായികതാരങ്ങളിലൊരാളായ ലീ 69 കിരീടങ്ങള്‍ സ്വന്തമാക്കിയിട്ടുണ്ട്. 2015ല്‍ മരുന്നടിയുടെ പേരില്‍ എട്ടുമാസത്തെ സസ്‌പെന്‍ഷന്‍ ലഭിച്ചിരുന്നു. പിന്നീട് മരുന്നുപയോഗം മനഃപൂര്‍വമല്ലെന്ന് ക@െണ്ടത്തിയതോടെ താരത്തെ തിരിച്ചുവരാന്‍ അനുവദിക്കുകയായിരുന്നു. ശേഷിക്കുന്ന ജീവിതം ഭാര്യയ്ക്കും കുട്ടികള്‍ക്കുമൊപ്പമാക്കാന്‍ താല്‍പര്യമുള്ളത് കൊണ്ടാണ് കളി മതിയാക്കുന്നതെന്നും ലീ വ്യക്തമാക്കി.