ശ്രീനഗര്‍: ആരെതിര്‍ത്താലും തങ്ങള്‍ക്കു തോന്നുംമട്ടില്‍ ജമ്മുകശ്മിരിലെ തദ്ദേശ തെരഞ്ഞെടുപ്പു നടത്തുമെന്ന കേന്ദ്രസര്‍ക്കാരിന്റെ അഹങ്കാരത്തില്‍ പ്രതിഷേധിച്ചു തെരഞ്ഞെടുപ്പു ബഹിഷ്‌കരിക്കാന്‍ സി.പി.എമ്മും തീരുമാനിച്ചു.

കശ്മിരിനുള്ള പ്രത്യേകപദവി പുനഃപരിശോധിക്കാനുള്ള നീക്കത്തില്‍ പ്രതിഷേധിച്ച് തദ്ദേശ തെരഞ്ഞെടുപ്പു ബഹിഷ്‌കരിക്കാന്‍ നേരത്തേ നാഷണല്‍ കോണ്‍ഫറന്‍സും പി.ഡി.പിയും തീരുമാനിച്ചിരുന്നു. എന്നിട്ടും തെരഞ്ഞെടുപ്പു നടത്താനുള്ള തീരുമാനത്തില്‍ പ്രതിഷേധിച്ചാണ് ഈ തീരൂമാനമെന്നു സി.പി.എം കശ്മിര്‍ സംസ്ഥാന സെക്രട്ടറി ഗുലാം നബി മാലിക് പറഞ്ഞു.
ഈ പ്രശ്‌നം ചര്‍ച്ച ചെയ്തു രമ്യമായ പരിഹാരം കാണാന്‍ സര്‍ക്കാര്‍ സര്‍വകക്ഷി യോഗം വിളിക്കണമെന്നാണ് സി.പി.എമ്മിന്റെ ആവശ്യം.