കൊച്ചി: മാപ്പ്.... വിഷമിപ്പിച്ചതിന്...

മനസ്സ് നഷ്ടപ്പെടുമെന്നായപ്പോള്‍ ശാന്തി തേടി ഒരു യാത്ര പോയതാണ്

ഇപ്പോള്‍ തിരികെ യാത്ര...

മേലുദ്യോഗസ്ഥനില്‍ നിന്നുണ്ടായ മോശം പെരുമാറ്റത്തെ തുടര്‍ന്ന് ആരോടും പറയാതെ കടന്നുകളഞ്ഞ സെന്‍ട്രല്‍ സി.ഐ നവാസ് മാപ്പ് ചോദിച്ചിട്ട പോസ്റ്റാണിത്.
. തന്റെ പ്രവൃത്തി സഹപ്രവര്‍ത്തകരേയും സുഹൃത്തുക്കളെയും കുടുംബത്തെയും ഏറെ ബുദ്ധിമുട്ടിലാക്കിയതോടെയാണ് ഫേസ്ബുക്കില്‍ അദ്ദേഹം മാപ്പ് ചോദിച്ച് പോസ്റ്റിട്ടത്. ഇന്ന് രാവിലെ കോയമ്പത്തൂരിനടുത്ത് കരൂരില്‍ വച്ച് കേരള പൊലിസ് കസ്റ്റഡിയിലെടുത്ത നവാസ് കേരളത്തിലേക്കുള്ള യാത്രക്കിടയിലാണ് ഫേസ്ബുക്കിലൂടെ മാപ്പ് പറഞ്ഞത്. സുഹൃത്തുകള്‍ക്ക് മാത്രം കാണാന്‍ സാധിക്കുന്ന രീതിയിലാണ് ഫേസ്ബുക്ക് പോസ്റ്റ് വന്നത്.

ഇങ്ങനെയാണ് ഫേസ്ബുക്കില്‍ കുറിപ്പിട്ടത്. കരൂര്‍ റെയില്‍വേ പൊലിസില്‍ നിന്ന് ഇന്ന് രാവിലെയോടെ മലമ്പുഴ പൊലിസ് ഏറ്റെടുത്ത നവാസ് ഇപ്പോള്‍ കൊച്ചിയിലേക്കുള്ള യാത്രയിലാണ്.