എടച്ചേരി: വ്യാപാരിയുടെ സത്യസന്ധത കാരണം കളഞ്ഞു പോയ സ്വര്‍ണാഭരണം യുവതിക്ക് തിരികെ ലഭിച്ചു.
കല്ലാച്ചി ടൗണിലെ ഷഹറാസ് മെഡിക്കല്‍ ഷോപ്പുടമ വാണിമേല്‍ സ്വദേശി തൈക്കണ്ടി മൊയ്തൂട്ടിയാണ് സ്വര്‍ണാഭരണം പുറമേരി വിലാതപുരം സ്വദേശിനി എടവത്ത് കണ്ടി ആയിഷക്ക് കൈമാറിയത്.
കഴിഞ്ഞ ഞായറാഴ്ച്ചയാണ് ആയിഷയുടെ രണ്ട് പവന്‍ തൂക്കം വരുന്ന സ്വര്‍ണാഭരണം കല്ലാച്ചിയില്‍ വച്ച് നഷ്ടപ്പെട്ടത്.
ഇന്നലെ നടത്തിയ അന്വേഷണത്തിലാണ് മൊയ്തുട്ടിക്ക് സ്വര്‍ണം കിട്ടിയ വിവരം യുവതി അറിയുന്നത്.
കടയുടമ നേരത്തെ പൊലിസില്‍ ഏല്‍പ്പിച്ച സ്വര്‍ണാഭരണം നാദാപുരം ട്രാഫിക് എസ്.ഐ യു.കെ സുരേന്ദ്രന്റെ സാന്നിധ്യത്തില്‍ മൊയ്തുട്ടി ആയിഷക്ക് കൈമാറി.