മലപ്പുറം: സ്വപ്നപദ്ധതിയായ നിലമ്പൂര്‍-വയനാട്-നഞ്ചന്‍കോട് റെയില്‍പാതയോടു സംസ്ഥാന സര്‍ക്കാര്‍ പുറംതിരിഞ്ഞു നില്‍ക്കുന്നതു പ്രതിഷേധാര്‍ഹമാണെന്നും പ്രാരംഭ നടപടികള്‍ക്കായി അനുവദിച്ച ഫണ്ട് ഡി.എം.ആര്‍.സിക്കു കൈമാറാന്‍ സംസ്ഥാന സര്‍ക്കാര്‍ തയാറാകണമെന്നും ജില്ലാപഞ്ചായത്ത് പ്രമേയം.
പദ്ധതിയുടെ സര്‍വേ നടപടികള്‍ക്കായി നേരത്തെ എട്ടു കോടി രൂപ പ്രഖ്യാപിച്ചിരുന്നു. ഈ വര്‍ഷം ജനുവരിയില്‍ ആദ്യ ഗഡുവായി രണ്ടു കോടി രൂപ നല്‍കേണ്ടതുണ്ട്. എന്നാല്‍, മാസങ്ങള്‍ പിന്നിട്ടിട്ടും ഒരു രൂപപോലും നല്‍കാന്‍ സര്‍ക്കാര്‍ തയാറായിട്ടില്ല. സര്‍ക്കാറിനെ വിശ്വസിച്ചു നേരത്ത സര്‍വേ നടപടികള്‍ ആരംഭിച്ച ഡി.എം.ആര്‍.സിക്ക് ഇതോടെ വലിയ സാമ്പത്തിക ബാധ്യത നേരിടേണ്ടിവന്നു. ഇതോടെ സര്‍വേ നടപടികളില്‍നിന്നു പിന്‍വാങ്ങുകയാണെന്ന് ഡി.എം.ആര്‍.സി ചെയര്‍മാന്‍ ഇ. ശ്രീധരന്‍ വ്യക്തമാക്കിയിരുന്നു. സര്‍വേ നടപടികള്‍ക്കായി തുറന്ന ഓഫിസുകള്‍ അടച്ചുപൂട്ടാനും ഡി.എം.ആര്‍.സി തീരുമാനിച്ചിട്ടുണ്ട്.
എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയ മലപ്പുറത്തെ വിദ്യാര്‍ഥികള്‍ക്കു മതിയായ ഉപരിപഠന സൗകര്യമില്ലെന്നും ഇക്കാര്യത്തില്‍ സംസ്ഥാന സര്‍ക്കാര്‍ അടിയന്തരമായി ഇടപെടണമെന്നും ആവശ്യപ്പെട്ടു ഹനീഫ പുതുപ്പറമ്പാണ് പ്രമേയം അവതരിപ്പിച്ചത്.