കോഴിക്കോട്: സ്വാതന്ത്ര്യസമര സേനാനിയും പ്രമുഖ വ്യവസായിയുമായിരുന്ന പി.വി സാമിയുടെ സ്മരണക്കായി ഏര്‍പ്പെടുത്തിയ പി.വി സാമി മെമ്മോറിയല്‍ ഇന്‍ഡസ്ട്രിയല്‍ ആന്‍ഡ് സോഷ്യോ കള്‍ച്ചറല്‍ അവാര്‍ഡ് കല്യാണ്‍ ഗ്രൂപ്പ് ചെയര്‍മാന്‍ ടി.എസ് കല്യാണരാമന്.
മാതൃഭൂമി മാനേജിങ് ഡയരക്ടര്‍ എം.പി വീരേന്ദ്രകുമാര്‍ എം.പി, ഡോ. സി.കെ രാമചന്ദ്രന്‍, സത്യന്‍ അന്തിക്കാട് എന്നിവരടങ്ങിയ ജൂറിയാണ് കല്യാണരാമനെ അവാര്‍ഡിന് തെരഞ്ഞെടുത്തത്. ഒക്‌ടോബര്‍ ആറിന് കോഴിക്കോട് ടാഗോള്‍ സെന്റിനറി ഹാളില്‍ നടക്കുന്ന പി.വി സാമി അനുസ്മരണ ചടങ്ങില്‍ കര്‍ണാടക മുഖ്യമന്ത്രി എച്ച്.ഡി കുമാരസ്വാമി അവാര്‍ഡ് സമ്മാനിക്കും.