എടച്ചേരി: മുതുവടത്തൂര്‍ മനാറുല്‍ ഹുദ മദ്‌റസ കമ്മിറ്റിയുടെ ആഭിമുഖ്യത്തില്‍ അവാര്‍ഡ് ദാനവും ഹാജിമാര്‍ക്ക് യാത്രയയപ്പും നല്‍കി.
ഇക്കഴിഞ്ഞ സമസ്ത പൊതുപരീക്ഷയില്‍ ഏഴാം ക്ലാസില്‍ നിന്ന് സംസ്ഥാനത്ത് നാലാം റാങ്ക് കരസ്ഥമാക്കിയ ചെമ്മേരി ഫാത്തിമ സുറഹത്തിനെയാണ് അവാര്‍ഡ് നല്‍കി അനുമോദിച്ചത്. ഓര്‍ക്കാട്ടേരി റെയിഞ്ചില്‍ ഒന്നാം സ്ഥാനക്കാരി കൂടിയാണ് ഫാത്തിമ. മദ്‌റസാ കമ്മിറ്റി ഏര്‍പ്പെടുത്തിയ സ്വര്‍ണ മെഡല്‍ സമസ്ത നേതാവ് പിണങ്ങോട് അബൂബക്കര്‍ ഫാത്തിമ സുറഹത്തിന് നല്‍കി.
ഈ വര്‍ഷത്തെ പരിശുദ്ധ ഹജ്ജ് കര്‍മത്തിന് പോകുന്ന കുന്നത്ത് അബൂബക്കര്‍, ചെറപ്പുറത്ത് പോക്കര്‍, താഴെ പീടികയില്‍ ഇബ്‌റാഹീം എന്നിവര്‍ക്ക് ചടങ്ങില്‍ വച്ച് യാത്രയയപ്പ് നല്‍കി.
പുനത്തില്‍ ഇബ്രാഹിം ഹാജി അധ്യക്ഷനായി. കളത്തില്‍ അബ്ദുല്ല ഹാജി, കുന്നത്ത് അബൂബക്കര്‍ ഹാജി, സി.കെ ഫൈസല്‍, ടി സിദ്ദീഖ്, വലിയാണ്ടി മുനീര്‍, കെ.വി മുഹമ്മദ് ഫൈസി, എം.പി അബ്ദുല്‍ ജബ്ബാര്‍ മൗലവി, സി.കെ മൂസ ഹാജി, ഇസ്മഈല്‍ മാസ്റ്റര്‍ സംസാരിച്ചു.