തച്ചനാട്ടുകര : ഈമാസം 30,31 തിയ്യതികളില്‍ കണ്ണൂരില്‍ വെച്ച് നടക്കുന്ന എം.എസ്.എഫ്.സമ്മേളനത്തിന്റെ പ്രചരണാര്‍ഥം തച്ചനാട്ടുകര പഞ്ചായത്ത് എം.എസ്.എഫ്.കമ്മറ്റി സംഘടിപ്പിച്ച മഡ്ഫുട്‌ബോള്‍ കോരിച്ചൊരിയുന്ന മഴയത്തും കാണികളില്‍ ആവേശമായി.
നൂറുകണക്കിനാളുകളാണ് മഴയായിട്ടും ചെളിക്കളിയുടെ ആവേശം നേരില്‍ കാണാനെത്തിയത്. 'സമ്മേളനാരവം 2016' എന്ന് പേരിട്ട ഈ ടൂര്‍ണമെന്റ്റില്‍ പത്ത് ടീമുകളാണ് മാറ്റുരച്ചത്. ഇതില്‍ ചെത്തല്ലൂര്‍ ശാഖ വിജയികളായി. പഞ്ചായത്ത് മുസ്ലിം ലീഗ് പ്രസിഡന്റ് എം.എസ്.അലവി വിജയികള്‍ക്കുള്ള ട്രോഫികള്‍ നല്‍കി.
പഞ്ചായത്ത് മുസ്ലിംലീഗ്, യൂത്‌ലീഗ് നേതാക്കളായ ടി.കെ.മുഹമ്മദ്, പി.കുഞ്ഞലവി, കെ.പി.എം.സലീം, ഉമ്മര്‍ ചോലശ്ശേരി, സി.പി.സുബൈര്‍, ബഷീര്‍ പിലാത്തറക്കല്‍, പി.ടി.സിദ്ധീഖ് തുടങ്ങിയവര്‍ സംസാരിച്ചു. പഞ്ചായത്ത് എം.എസ്.എഫ്. ഭാരവാഹികളായ ഇല്ല്യാസ് കുന്നുംപുറം, റിഷാദ് പുവ്വത്താണി, അമീന്‍ നാട്ടുകല്‍, കബീര്‍ അണ്ണാന്‍തൊടി, സുഹൈല്‍ പാറമ്മല്‍, ഉനൈസ് ചെത്തല്ലൂര്‍, നിസാര്‍ തെക്കുമുറി നേതൃത്വംനല്‍കി.