ആലപ്പുഴ: ദേശീയ ജൂനിയര്‍ പവര്‍ലിഫ്റ്റിങ് ചാംപ്യന്‍ഷിപ്പില്‍ മഹാരാഷ്ട്രക്ക് ഓവറോള്‍ കിരീടം. 101 പോയിന്റുമായാണ് മഹാരാഷ്ട്ര ജേതാക്കളായത്. കേരളം 96 പോയിന്റുമായി റണ്ണറപ്പായി.
85 പോയിന്റ് നേടിയ തമിഴ്‌നാടാണ് മൂന്നാം സ്ഥാനത്ത്. പെണ്‍കുട്ടികളുടെ വിഭാഗത്തില്‍ 54 പോയിന്റ് നേടിയ കേരളമാണ് ചാംപ്യന്മാര്‍. ആണ്‍കുട്ടികളുടെ വിഭാഗത്തില്‍ 51 പോയിന്റ് നേടിയ മഹാരാഷ്ട്ര ചാംപ്യന്മാരായി. കേരളത്തിന്റെ അനീറ്റ ജോസഫും മഹാരാഷ്ട്രയുടെ സാഹില്‍ ഉത്തേക്കറുമാണ് മികച്ച താരങ്ങള്‍. നഗരസഭാ ചെയര്‍മാന്‍ തോമസ് ജോസഫ് സമ്മാനദാനം നിര്‍വഹിച്ചു.