ഗൂഡല്ലൂര്‍: സംശയകരമായ സാഹചര്യത്തില്‍ കണ്ടെത്തുന്നവരെ നിരീക്ഷിക്കുന്നതിനായി ഗൂഡല്ലൂര്‍ ടൗണില്‍ പൊലിസിന്റെ നേതൃത്വത്തില്‍ പത്ത് കാമറകള്‍ സ്ഥാപിച്ചു.
നീലഗിരി എസ്.പി മുരളിറംബയുടെ ഉത്തരവ് പ്രകാരമാണ് കാമറകള്‍ സ്ഥാപിച്ചത്. പഴയ ബസ് സ്റ്റാന്‍ഡ്, കോഴിക്കോട് റോഡ്, സ്റ്റേറ്റ് ബാങ്ക്, ചുങ്കം, ദേവര്‍ഷോല റോഡ്, മൈസൂര്‍ റോഡ്, പൊലിസ് സ്റ്റേഷന്‍ റോഡ്, പുതിയ ബസ് സ്റ്റാന്‍ഡ് തുടങ്ങിയ മേഖലകളിലാണ് കാമറകള്‍ സ്ഥാപിച്ചിരിക്കുന്നത്. കാമറകളിലെ ദൃശ്യങ്ങള്‍ പൊലിസ് സ്റ്റേഷനില്‍ ലഭിക്കുന്ന തരത്തിലാണ് സംവിധാനം.
ഗതാഗത കുരുക്ക്, വാഹനം തട്ടികൊണ്ടുപോകല്‍, വാഹനങ്ങള്‍ അപകടത്തില്‍പ്പെടല്‍, വാഹനങ്ങള്‍ അമിത വേഗതയില്‍ സഞ്ചരിക്കല്‍, കള്ളക്കടത്തുകള്‍ തുടങ്ങിയവകളെയും ഇത് മൂലം നിരീക്ഷിക്കാന്‍ സാധിക്കും.