ആലപ്പുഴ: ബിനോയ് കോടിയേരിയുമായി ബന്ധപ്പെട്ട സംഭവങ്ങള്‍ പാര്‍ട്ടിയെ പ്രതിസന്ധിയിലാക്കുന്നില്ലെന്ന് മന്ത്രി ജെ. മേഴ്‌സിക്കുട്ടിയമ്മ. ജന്മശതാബ്ദി ആഘോഷിക്കുന്ന ഗൗരിയമ്മയെ ചാത്തനാട്ടെ വീട്ടില്‍ സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അവര്‍.

അയാള്‍ പ്രായപൂര്‍ത്തിയായ ആളാണ്. അയാള്‍ ചെയ്ത തെറ്റിന് അയാള്‍ തന്നെ അനുഭവിക്കണം. കമ്മ്യൂണിസ്റ്റുകാരുടെ മക്കള്‍ ഇങ്ങനെയാകാന്‍ പാടില്ല. ഇങ്ങനെയായാല്‍ എന്തു ചെയ്യാന്‍ പറ്റുമെന്നും അവര്‍ ചോദിച്ചു.