എം.എസ്.എഫ് സ്‌നേഹ വൃത്തം തീര്‍ത്തു

backup

July 27 2016 | 19:07 PM

%e0%b4%8e%e0%b4%82-%e0%b4%8e%e0%b4%b8%e0%b5%8d-%e0%b4%8e%e0%b4%ab%e0%b5%8d-%e0%b4%b8%e0%b5%8d%e2%80%8c%e0%b4%a8%e0%b5%87%e0%b4%b9-%e0%b4%b5%e0%b5%83%e0%b4%a4%e0%b5%8d%e0%b4%a4%e0%b4%82-%e0%b4%a4

തൃക്കരിപ്പൂര്‍: 'വിദ്യാര്‍ഥിത്വം ഉയര്‍ത്തുക' എന്ന പ്രമേയം ഉയര്‍ത്തി ജൂലൈ 30,31 തീയതികളിലായി കണ്ണൂരില്‍ വച്ച് നടക്കുന്ന എം.എസ്.എഫ്.സംസ്ഥാന സമ്മേളന പ്രചരണാര്‍ത്ഥം എം.എസ്.എഫ് തൃക്കരിപ്പൂര്‍ മണ്ഡലം കമ്മിറ്റിയുടെ നേതൃത്വത്തില്‍ തൃക്കരിപ്പൂര്‍ ബസ്റ്റാന്റ് പരിസരത്ത് സ്‌നേഹ വൃത്തം തീര്‍ത്തു.
തീവ്രവാദത്തിനും എസ്.എഫ് ഐയുടെ ക്യാമ്പസ് ഫാസിസത്തിനുമെതിരേ പൊതുസമൂഹത്തിന്റെ പിന്തുണ തേടുന്നതിനാണു സ്‌നേഹ വൃത്തം തീര്‍ത്തത്. നൂറോളം എം.എസ്.എഫ്.പ്രവര്‍ത്തകര്‍ കൈകോര്‍ത്ത് ചുമലോട് ചേര്‍ന്ന് സ്‌നേഹഗീതം പാടിയും സമ്മേളന സന്ദേശം ഉച്ചത്തില്‍ പ്രഖ്യാപിച്ചും നടത്തിയ പരിപാടി ജന ശ്രദ്ധയാകര്‍ഷിച്ചു.
സമ്മേളന പ്രചരണത്തിന്റെ ഭാഗമായി എം.എസ്.എഫ്.പ്രവര്‍ത്തകര്‍ തൃക്കരിപ്പൂര്‍ ടൗണില്‍ വിളംബര റാലി നടത്തി.
തൃക്കരിപൂര്‍ ലീഗ് ഓഫിസ് പരിസരത്ത് നിന്നാരംഭിച്ച റാലി വെള്ളാപ്പ് റോഡ് വഴി എസ്.ബി.ഐ ബാങ്കിനു സമീപത്തു നിന്നും തിരിച്ച് തൃക്കരിപ്പൂര്‍ ബസ്റ്റാന്‍ഡില്‍ പ്രവേശിച്ച് സ്‌നേഹവൃത്തം തീര്‍ത്തു. യൂത്ത് ലീഗ് ജില്ലാ സെക്രട്ടറി ടി.എസ്.നജീബ് ഫ്‌ളാഗ് ഓഫ് ചെയ്തു. ലീഗ് പഞ്ചായത്ത് ജന.സെക്രട്ട്രി സത്താര്‍ വടക്കുമ്പാട് ഉദ്ഘാടനം ചെയ്തു. എം.എസ്.എഫ് മണ്ഡലം ആക്ടിംഗ് പ്രസിഡന്റ് അസ്ഹറുദ്ദീന്‍ മണിയനോടി അധ്യക്ഷത വഹിച്ചു. ഷാര്‍ജ കെ.എം.സി.സി.മണ്ഡലം പ്രസിഡന്റ് ജമാല്‍ ബൈത്താന്‍, എം.എസ്.എഫ്. ജില്ലാ വൈസ് പ്രസിഡന്റ് ഇര്‍ഷാദ് പടന്ന, ജോ.സെക്രട്ടറി ജാബിര്‍ തങ്കയം, യൂത്ത് ലീഗ് മണ്ഡലം സെക്രട്ടറി അബ്ദുല്ല ബീരിച്ചേരി, പഞ്ചായത്ത് ജന.സെക്രട്ടറി വി.പി.ശുഹൈബ് സംസാരിച്ചു. എം.എസ്.എഫ്.മണ്ഡലം ജന.സെക്രട്ടറി ടി.വി.കുഞ്ഞബ്ദുള്ള സ്വാഗതം പറഞ്ഞു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."