ബിലിസി: റിപ്പബ്ലിക്കന്‍ സ്ഥാനാര്‍ഥി ട്രംപിന്റെ ആവശ്യം പരിഗണിച്ച് ജോര്‍ജിയയില്‍ വീണ്ടും വോട്ടെണ്ണല്‍ നടത്താന്‍ തീരുമാനിച്ചു. വോട്ടിങ്ങില്‍ കൃത്രിമം നടന്നതായി ആരോപണമുയര്‍ന്നതിനാല്‍ കൈകൊണ്ടാണ് വോട്ടുകള്‍ എണ്ണുക.
ബെഡന് ഇവിടെ 14,000 വോട്ടിന്റെ നേരിയ ഭൂരിപക്ഷമേയുള്ളൂ. 1992 മുതല്‍ ഡമോക്രാറ്റുകള്‍ ജയിച്ചില്ലാത്ത സംസ്ഥാനമാണിത്.
അതിനിടെ മിഷിഗണിലും വീണ്ടും വോട്ടെണ്ണല്‍ വേണമെന്ന് ട്രംപ് ആവശ്യപ്പെട്ടു. 2016ല്‍ ട്രംപ് വിജയിച്ച മിഷിഗണില്‍ ഇത്തവണ 1,48,000 വോട്ടിനാണ് അദ്ദേഹം പിന്നിലായതെന്നാണ് അനൗദ്യോഗിക റിപ്പോര്‍ട്ട്. രണ്ടിടത്തും വിജയിച്ചാല്‍ കേവല ഭൂരിപക്ഷത്തിനു വേണ്ട ഇലക്ടറല്‍ വോട്ടുകള്‍ ലഭിക്കുമെന്നതാണ് ട്രംപിനെ രണ്ടാമതും വോട്ടെണ്ണല്‍ നടത്താന്‍ പ്രേരിപ്പിക്കുന്നത്. അതേസമയം നിയുക്ത പ്രസിഡന്റ് ഡോ ബൈഡന്‍ പുതിയ സര്‍ക്കാര്‍ രൂപീകരിക്കുന്നതിനുള്ള തയാറെടുപ്പുകളിലാണ്.
അതിനിടെ ബൈഡന്റെ ജയം അംഗീകരിക്കാത്തതിനെ ന്യായീകരിച്ച് അയല്‍രാജ്യമായ മെക്‌സിക്കോ രംഗത്തെത്തി. തങ്ങള്‍ ഒരു കോളനിയല്ലെന്നും ട്രംപിന്റെ നിയമനടപടി പൂര്‍ത്തിയാകുന്നതിന് കാത്തിരിക്കുകയാണെന്നും മെക്‌സിക്കന്‍ പ്രസിഡന്റ് ആന്‍ഡ്രസ് മാനുവല്‍ ലോപസ് പറഞ്ഞു.