ആന്റിഗ്വ: വെസ്റ്റിന്‍ഡീസ് താരം മര്‍ലോണ്‍ സാമുവല്‍സ് ടെസ്റ്റ് ക്രിക്കറ്റില്‍ നിന്ന് വിരമിച്ചേക്കും. ടി20 ക്രിക്കറ്റില്‍ ശ്രദ്ധ കേന്ദ്രീകരിക്കുന്നതിനാണ് താരം ടെസ്റ്റിനോട് വിട ചൊല്ലുന്നതെന്നാണ് അഭ്യൂഹങ്ങള്‍. തുച്ഛമായ ശമ്പളം പ്രമുഖ വിന്‍ഡീസ് താരങ്ങളെ ടെസ്റ്റില്‍ നിന്ന് അകറ്റി നിര്‍ത്തുകയാണെന്ന് സാമുവല്‍സ് പറഞ്ഞിരുന്നു.
നേരത്തെ ക്രിസ് ഗെയ്ല്‍, കെയ്‌റോണ്‍ പൊള്ളാര്‍ഡ്, ഡ്വെയ്ന്‍ ബ്രാവോ എന്നിവര്‍ ശമ്പളക്കുറവു കാരണം ടെസ്റ്റില്‍ കളിക്കാന്‍ വിമുഖത പ്രകടിപ്പിച്ചിരുന്നു. നിലവിലെ സാഹചര്യങ്ങള്‍ ടെസ്റ്റ് കളിക്കുന്നതില്‍ നിന്നു തന്നെ പിന്തിരിപ്പിക്കുകയാണെന്ന് സാമുവല്‍സ് വ്യക്തമാക്കി.