കുന്ദമംഗലം: ഗുണ്ടാഅക്രമത്തില്‍ വഴിയോര കച്ചവടക്കാരന് പരുക്ക്. കഴിഞ്ഞദിവസം പട്ടാപകല്‍ ആനപ്പാറക്കടുത്ത് വഴിയോരക്കച്ചവടം നടത്തുകയായിരുന്ന കാരന്തൂര്‍ കോണോട്ട് തോട്ടത്തില്‍ ഷഹീറി(30)നെയാണ് ഗുണ്ടകള്‍ അക്രമിച്ച് പണം കവര്‍ന്നത്.
റോഡരികില്‍ ഗുഡ്‌സ് ഓട്ടോറിക്ഷയില്‍ ഫ്രൂട്‌സ് കച്ചവടം ചെയ്യുന്നതിനിടെയാണ് കണ്ടാലറിയാവുന്ന മൂന്നുപേരെത്തി ഷഹീറിനെ അക്രമിച്ച് ഗുരുതരമായി പരുക്കേല്‍പ്പിച്ച് പണം കവര്‍ന്നത്.
പരുക്കേറ്റ ശഹീറിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇദ്ദേഹത്തിന്റെ മുഖത്തുള്ള പരുക്ക് ഗുരുതരമാണ്.
ഒരുകണ്ണിന്റെ കാഴ്ചയ്ക്കു മങ്ങലേറ്റിട്ടുണ്ട്. കച്ചവടവസ്തുക്കള്‍ ഗുണ്ടകള്‍ അടിച്ചുതകര്‍ത്തു.