കോട്ടക്കല്‍: കോട്ടക്കല്‍ നഗരസഭാ സാമൂഹികാരോഗ്യ കേന്ദ്രത്തില്‍ ഉടനെ ഈവനിങ് ഡോക്ടറും ഫിസിയോ തെറാപ്പിയും ആരംഭിക്കും. ഇത് സംബന്ധിച്ച് കഴിഞ്ഞ ദിവസം നടന്ന കൂടിയാലോചനാ യോഗത്തിലാണ് തീരുമാനമായത്. സ്വകാര്യ ആശുപത്രികളിലെ ഡോക്ടര്‍മാരുടെ സേവനം ലഭ്യമാക്കുന്നതിനും ആവശ്യമായ നടപടികള്‍ സ്വീകരിക്കും. നഗരസഭാ ചെയര്‍മാന്റെ ആവശ്യപ്രകാരം കഴിഞ്ഞ 28ന് ജില്ലാ മെഡിക്കല്‍ ഓഫിസര്‍ ഒരു ഡോക്ടറെ ഈവനിങിനായി നിയമിച്ചുവെങ്കിലും മറ്റൊരു സ്ഥലത്തേക്ക് മാറ്റം പോയിരുന്നു.
നഗരസഭക്ക് ഡോക്ടര്‍മാരെ നിയമിക്കുവാനുള്ള അധികാരം അടുത്തിടെ സര്‍ക്കാര്‍ എടുത്തു കളഞ്ഞതാണ് ഈവനിങ്ങ് ഡോക്ടറുടെ സേവനം ഇല്ലാതാകാന്‍ കാരണമായത്. യോഗത്തില്‍ നഗരസഭാ ചെയര്‍മാന്‍ കെ.കെ നാസര്‍അധ്യക്ഷനായി. സയ്യിദ് ഫസല്‍ തങ്ങള്‍, ടി.കെ രവി, നസീര്‍ മേലേതില്‍, അബ്ദുല്‍ മജീദ്, ലത്തീഫ് കൂരിയാട്,ജാബിര്‍കൈനിക്കര, മണി പത്തൂര്‍, പി. ഖുറൈശി, അലവിക്കുട്ടി പാപ്പായി സംസാരിച്ചു.