വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമി റമദാന്‍ കാംപയിന്റെ ഭാഗമായി ജില്ലയിലെ 14 മേഖലകളിലും വിപുലമായ പ്രചാരണ കണ്‍വന്‍ഷനുകള്‍ സംഘടിപ്പിച്ചു. കണ്‍വന്‍ഷനില്‍ മേഖലാ തലങ്ങളില്‍ പ്രവര്‍ത്തനങ്ങള്‍ക്ക് മേല്‍ നോട്ടം വഹിക്കാനുള്ള സംഘാടക സമിതിക്ക് രൂപം നല്‍കി. ഏപ്രില്‍ 25ന് ആരംഭിച്ച ക്യാംപയിന്റെ ഭാഗമായി മഹല്ല് തല കുടുംബ സംഗമങ്ങളും പ്രഭാഷണങ്ങളും നടക്കുന്നുണ്ട്. കാംപയിന്‍ പ്രവര്‍ത്തനങ്ങള്‍ക്ക് പി.സി ഇബ്‌റാഹിം ഹാജി (ചെയര്‍), ടി.കെ അബൂബക്കര്‍ മൗലവി (കണ്‍) എന്നിവരുടെ നേതൃത്വത്തിലുള്ള ജില്ലാ തല സംഘാടക സമിതിയാണ് നേതൃത്വം നല്‍കുന്നത്. അക്കാദമിയുടെ അടിസ്ഥാന സൗകര്യങ്ങള്‍ വികസിപ്പിക്കാനുള്ള ഫണ്ടു സ്വരൂപിക്കലാണ് ഈ വര്‍ഷത്തെ റമളാന്‍ കാംപയിന്റെ ലക്ഷ്യം.