ന്യൂഡല്‍ഹി: മാധ്യമപ്രവര്‍ത്തകക്ക് നേരെ മുഖംമൂടി ധരിച്ചെത്തിയ സംഘത്തിന്റെ ആക്രമണം. കിഴക്കന്‍ ഡല്‍ഹിയിലെ വസുന്ധര ഏരിയയില്‍ വച്ചാണ് കാറില്‍ സഞ്ചരിക്കുകയായിരുന്ന മിതാലി ചന്ദോലയെന്ന മാധ്യമപ്രവര്‍ത്തകക്ക് നേരെ ആക്രമണമുണ്ടായത്.
ഇന്നലെ പുലര്‍ച്ചെ 12.30ന് ജോലി കഴിഞ്ഞ് വീട്ടിലേക്ക് പോകുമ്പോഴാണ് വാഹനത്തിലെത്തിയ സംഘം വെടിയുതിര്‍ത്തത്. രണ്ട് തവണയാണ് മാധ്യമപ്രവര്‍ത്തകക്ക് നേരെ വെടിവച്ചത്. ഇതില്‍ ഒരു ബുള്ളറ്റ് ഇവരുടെ കൈകള്‍ തുളച്ചുകയറിയിട്ടുണ്ട്. കാറിന്റെ വേഗത കുറക്കാനായി ഗ്ലാസിലേക്ക് കോഴിമുട്ട എറിഞ്ഞ ശേഷമാണ് വെടിയുതിര്‍ത്തതെന്ന് പരുക്കേറ്റ് ആശുപത്രിയില്‍ കഴിയുന്ന മാധ്യമപ്രവര്‍ത്തക പൊലിസിനോട് പറഞ്ഞു.
സംഭവത്തെക്കുറിച്ച് അന്വേഷണം തുടങ്ങിയതായി പൊലിസ് അറിയിച്ചു.