കോഴിക്കോട്: പന്തിരാങ്കാവ് യുഎപിഎ കേസില്‍ പ്രതി അലന്‍ ഷുഹൈബിന്റെ പിതാവ് ഷുഹൈബ് ആര്‍എംപി സ്ഥാനാര്‍ത്ഥിയായി കോഴിക്കോട് 61ാം വാര്‍ഡില്‍ മത്സരിക്കുമെന്ന് പാര്‍ട്ടി അറിയിച്ചു. പൊലിസിന്റെ കരിനിയമത്തിനെതിരാണ് ഷുഹൈബിന്റെ സ്ഥാനാര്‍ത്ഥിത്തമെന്ന് ആര്‍എംപി അറിയിച്ചു.

നേരത്തെ സിപിഎം ബ്രാഞ്ച് സെക്രട്ടറിയായിരുന്നു ഷുഹൈബ്. അറസ്റ്റിലാകുമ്പോള്‍ സിപിഎം അംഗമായിരുന്ന അലനെ പിന്നിട് പാര്‍ട്ടി പുറത്താക്കിയിരുന്നു.
അതേസമയം രാഷ്ട്രീയമാറ്റത്തെക്കുറിച്ച് ആലോചനയില്ലെന്ന് താഹയുടെ കുടുംബം അറിയിച്ചു.എല്‍ജെഡിയുടെ തോമസ് മാത്യുവാണിവിടെ എല്‍ഡിഎഫ് സ്ഥാനാര്‍ത്ഥി.