രാജ്‌കോട്ട്: ഗിര്‍വനത്തില്‍ 11 സിംഹങ്ങളെ ചത്ത നിലയില്‍ കണ്ടെത്തി. ഗുജറാത്തിലെ അംറേലി ജില്ലയിലെ ഫോറസ്റ്റ് ഡിവിഷനു കീഴിലെ ഗിര്‍ വനത്തിലാണ് 10 ദിവസത്തിനുള്ളില്‍ സിംഹങ്ങളുടെ 11 ജഡങ്ങള്‍ കണ്ടെത്തിയത്. സിംഹങ്ങള്‍ കൂട്ടത്തോടെ ചാകുന്നത് സംബന്ധിച്ചുള്ള അന്വേഷണത്തിന് സര്‍ക്കാര്‍ ഉത്തരവിട്ടു.
ചത്ത സിംഹങ്ങളുടെ ആന്തരാവയവങ്ങള്‍ പരിശോധനക്കായി അയച്ചിട്ടുണ്ട്. ഇതിന്റെ ഫലം വന്നാല്‍ മാത്രമേ മരണകാരണം അറിയാനാകൂ എന്ന് വനം പ്രിന്‍സിപ്പല്‍ സെക്രട്ടറി ഡോ. രാജിവ് കുമാര്‍ ഗുപ്ത പറഞ്ഞു. അതേസമയം എട്ട് സിംഹങ്ങള്‍ ചത്തത് പരസ്പരം ഏറ്റുമുട്ടിയിട്ടാണെന്നാണ് പ്രാഥമിക പരിശോധനയില്‍ വ്യക്തമായതെന്നും അദ്ദേഹം കൂട്ടിച്ചേര്‍ത്തു.
2015ലെ സെന്‍സസ് പ്രകാരം ഗിര്‍ വനത്തില്‍ 520 സിംഹങ്ങള്‍ ഉണ്ടെന്ന് കണ്ടെത്തിയിട്ടുണ്ട്.