ലണ്ടന്‍: അര്‍ജന്റീനിയന്‍ സൂപ്പര്‍ താരം സെര്‍ജിയോ അഗ്യൂറോ മാഞ്ചസ്റ്റര്‍ സിറ്റിയുമായി കരാര്‍ പുതുക്കി. 2021 വരെയാണ് 30 കാരനായ താരം കരാര്‍ നീട്ടിയത്. നിലവില്‍ സിറ്റിക്കായി ഏറ്റവും കൂടുതല്‍ ഗോള്‍ നേടുന്ന താരമെന്ന റെക്കോര്‍ഡിന് ഉടമയാണ് അഗ്യൂറോ. 204 ഗോളുകളാണ് സിറ്റിക്ക് വേണ്ടി അഗ്യൂറോ സ്വന്തമാക്കിയിട്ടുള്ളത്. ക്ലബുമായി താന്‍ പൂര്‍ണ സന്തോഷവാനാണ്. പത്തുവര്‍ഷമെങ്കിലും ക്ലബിന് വേണ്ടി കളിക്കണമെന്നുണ്ട്. അതാണ് മൂന്ന് വര്‍ഷത്തേക്കു കൂടി കരാര്‍ നീട്ടാന്‍ കാരണമായത്. താന്‍ ക്ലബിനുണ്ടാക്കുന്ന നേട്ടത്തില്‍ അധികൃതര്‍ തൃപ്തരാണ്. അതിന് തിരിച്ചുള്ള സഹകരണം ക്ലബിന്റെ ഭാഗത്ത് നിന്നുണ്ടായിട്ടുണ്ട്. ഇക്കാരണങ്ങളെല്ലാം വീണ്ടും ക്ലബില്‍ തന്നെ തുടരാന്‍ പ്രേരിപ്പിക്കുന്നതാണ്. അഗ്യൂറോ പറഞ്ഞു.