പടിഞ്ഞാറങ്ങാടി: ആലൂര്‍ ഒരുമ രണ്ടാം വാര്‍ഷികവും, വി.വി മാധവന്‍ പുരസ്‌കാര സമര്‍പ്പണവും നാളെ രണ്ട് മണിക്ക് ആലൂര്‍ ജി.എല്‍.പി സ്‌കൂളില്‍ വച്ച് നടക്കും.
വി.ടി ബല്‍റാം എം.എല്‍.എ ഉദ്ഘാടനം നിര്‍വഹിക്കും. അഡ്വ. സുജാത.എസ്.വര്‍മ മുഖ്യപ്രഭാഷണം നടത്തും. ടി.കെ നാരായണദാസ് പുരസ്‌കാര സമര്‍പണം നടത്തും. സി.പി ചിത്രബാനു അനുസ്മരണ പ്രഭാഷണവും, ദേശീയ ധീരതാ പുരസ്‌കാര ജേതാവ് കെ.പി ബദറുന്നിസ പാലിയേറ്റീവ് കെയര്‍ പ്രഖ്യാപനവും നടത്തും.
ഇതിനോടനുബന്ധിച്ച് ചിത്ര പ്രദര്‍ശനവും, നാടന്‍ ജൈവ ഉത്പന്നങ്ങളുടെ പ്രദര്‍ശനവും, വിപണനവും, ഉന്നത വിജയം നേടിയ വിദ്യാര്‍ഥികളെ അനുമോദിക്കലും, സ്‌കോളര്‍ഷിപ്പ് വിതരണവും നടക്കും.