ബെര്‍ലിന്‍: ജര്‍മനിയിലെ ബവാരിയയില്‍ അഭയാര്‍ഥി സ്വീകരണകേന്ദ്രത്തിനടുത്തുണ്ടായ സ്‌ഫോടന വാര്‍ത്ത പൊലിസ് നിഷേധിച്ചു. ന്യൂറംബെര്‍ഗിലെ സിര്‍ഡ്രോംഫിലെ അഭയാര്‍ഥി സ്വീകരണ കേന്ദ്രത്തിന് 200 മീറ്റര്‍ അടുത്ത് എയറോസോള്‍ സ്യൂട്ട്‌കേസ് പൊട്ടിത്തെറിച്ചതായി ജര്‍മന്‍ ചാനലാണ് വാര്‍ത്ത പുറത്തുവിട്ടത്. എന്നാല്‍ സ്‌ഫോടനമോ പരുക്കോ ഇല്ലെന്ന് ബവാരിയ പൊലിസ് ഉടന്‍തന്നെ ട്വീറ്റ് ചെയ്തു. പ്രാദേശിക സമയം ഉച്ചയ്ക്ക് 2.15 ഓടെയാണ് സംഭവം. പൊലിസ് സംഭവസ്ഥലത്ത് ക്യാംപ് ചെയ്യുന്ന ദൃശ്യങ്ങളും ചാനല്‍ പുറത്തുവിട്ടിരുന്നു.