മാനന്തവാടി: നക്‌സല്‍ ബാരി സമരത്തിന്റെ അന്‍പതാം വാര്‍ഷികവുമായി ബന്ധപ്പെട്ട് മെയ് 25ന് നക്‌സല്‍ ബാരിയില്‍ നടക്കുന്ന റാലിയിലും പൊതുസമ്മേളനത്തിനും പങ്കെടുക്കുന്നതിനുള്ള ജാഥ വയനാട്ടില്‍ നിന്നും ആരംഭിച്ചു.
രാജ്യത്തെ വിവിധ രക്തസാക്ഷി കുടീരങ്ങളില്‍ നിന്നും രക്തസാക്ഷി കര്‍ഷക സമര കേന്ദ്രങ്ങളില്‍ നിന്നുമുള്ള ജാഥയോടൊപ്പം ചേരുന്നതിന് എ വര്‍ഗീസ് കുടീരത്തില്‍ നിന്നുമാരഭിച്ച ജാഥ വര്‍ഗീസിന്റെ സഹോദരന്‍ ജോസഫും പാര്‍ട്ടി സംസ്ഥാന എക്‌സിക്യുട്ടീവ് കമ്മിറ്റി അംഗം സണ്ണി അമ്പാട്ടും ചേര്‍ന്ന് ജില്ലാ സെക്രട്ടറി സാം പി മാത്യുവിന് പതാക കൈമാറി രക്തസാക്ഷി മണ്ഡപത്തില്‍ നിന്നും ഉദ്ഘാടനം ചെയ്തു. പി.ടി പ്രേമാനന്ദ് അധ്യക്ഷനായി. കെ.ജി മനോഹരന്‍, കെ.ആര്‍ അശോകന്‍, പി.കെ ബാബു സംസാരിച്ചു.