പാനൂര്‍: ആര്‍.എസ്.എസ് ശാഖാ കാര്യവാഹകിന്റെ വാഹനം സി.പി.എം പ്രവര്‍ത്തകര്‍ തകര്‍ത്തു. കുന്നോത്തുപറമ്പ് വടക്കയില്‍ സജീഷിന്റെ ഓമ്‌നി വാനിന്റെ മുന്‍വശത്തെ ഗ്ലാസാണ് തകര്‍ത്തത്. പാറാട് ന്യൂനമ്പ്രം ഭാഗത്ത് ജോലിക്കായി പോയതായിരുന്നു. റോഡരികില്‍ നിറുത്തിയിട്ട വാഹനം ജോലി കഴിഞ്ഞ് തിരിച്ചെത്തിയപ്പോള്‍ തകര്‍ത്ത നിലയിലായിരുന്നു. കൊളവല്ലൂര്‍ പൊലിസില്‍ പരാതി നല്‍കി. ആര്‍.എസ്.എസ് കാര്യവാഹകിന്റെ വാഹനം തകര്‍ത്ത സംഭവത്തില്‍ ബി.ജെ.പി കുന്നോത്തുപറമ്പ് പഞ്ചായത്ത് കമ്മറ്റി പ്രതിഷേധിച്ചു.