കൊല്ലം: കൊട്ടാരക്കര നഗരസഭയില്‍ തെരഞ്ഞെടുപ്പുമായി ബന്ധപ്പെട്ട സീറ്റ് തര്‍ക്കത്തിലമര്‍ന്ന് യു ഡി എഫ്. കോണ്‍ഗ്രസ്സിലെ തന്നെ പുകയുന്ന സീറ്റ് തര്‍ക്കത്തിനിടയില്‍ ഘടക കക്ഷികളായ ആര്‍ എസ് പി , മുസ്‌ലിം ലീഗ് എന്നീ മുന്നണികള്‍ സീറ്റിനായി മുറവിളി കൂട്ടാന്‍ തുടങ്ങിയിട്ട് ദിവസങ്ങളായി. എന്നാല്‍ ഈ മുറവിളികള്‍ കോണ്‍ഗ്രസ്സില്‍ തന്നെ തലവേദനയായിരിക്കുകയാണ്. മാരത്തോണ്‍ ചര്‍ച്ചകളാണ് നടന്നു വരുന്നത്.

നാമനിര്‍ദ്ദേശ പത്രിക സമര്‍പ്പിക്കാന്‍ ഇനി രണ്ട് ദിവസം മാത്രം ബാക്കി നില്‍ക്കെ സ്ഥാനാര്‍ത്ഥി ലിസ്റ്റ് പുറത്തു വിടാന്‍ യൂ ഡി എഫിനായിട്ടില്ല. ആര്‍ എസ് പി 5 സീറ്റ് ആവശ്യപ്പെട്ടിട്ടുള്ളത്.

അതില്‍ മൂന്ന് സീറ്റ് എങ്കിലും കിട്ടണമെന്ന നിലപാട് ആണ് അവര്‍ക്കുള്ളതായി അറിയാന്‍ കഴിയുന്നത് . മുസ്‌ലിം ലീഗ് 3 സീറ്റ് ആണ് ആവശ്യപ്പെട്ടിരിക്കുന്നത്. കൊട്ടാരക്കര നഗരസഭയില്‍ 1, 2 , 3 വാര്‍ഡുകള്‍ മുസ്‌ലിം വിഭാഗം ഉള്ളതിനാല്‍ ആ വാര്‍ഡില്‍ തങ്ങളുടെ സ്ഥാനാര്‍ത്ഥി വേണമെന്ന ആവശ്യവുമായി ലീഗ് നേതൃത്വം രംഗത്ത് എത്തിയിട്ടുണ്ട്.

ആര്‍ എസ് പി യും വിജയ സാധ്യതയുള്ള സീറ്റിനായി രംഗത്തുണ്ട്. എന്നാല്‍ യൂ ഡി എഫ് നേതൃത്വം പല വാര്‍ഡുകളിലും സ്ഥാനാര്‍ത്ഥികളെ പറഞ്ഞു വെച്ചിരിക്കുന്നതായാണ് വിവരം. സോഷ്യല്‍ മീഡിയകളില്‍ സ്വയം സ്ഥാനാര്‍ത്ഥിത്വം പ്രഖ്യാപിച്ചവരും ഉണ്ട്.

ഇന്നോ, നാളെയോ സ്ഥാനാര്‍ത്ഥികളുടെ പൂര്‍ണ്ണ രൂപം തെളിയുമെന്നാണ് അറിയാന്‍ കഴിയുന്നത്