കൊടുവള്ളി: മദ്‌റസകള്‍ മാനവ ഐക്യ കേന്ദ്രങ്ങള്‍ എന്ന പ്രമേയത്തില്‍ പോര്‍ങ്ങോട്ടൂര്‍ അമാനുല്‍ മുഹ്താജീന്‍ സംഘവും ഊരോപ്പറമ്പ് നൂറുല്‍ ഹുദാ മദ്‌റസാ കമ്മിറ്റിയും സംയുക്തമായി സംഘടിപ്പിച്ച 'സമസ്ത ഇജ്തിമാഅ്-2016' പി.കെ സാജിദ് ഫൈസി കളരാന്തിരി ഉദ്ഘാടനം ചെയ്തു. പി.കെ മോയിന്‍ കുട്ടി ഹാജി അധ്യക്ഷനായി. പി.കെ മുഹമ്മദ് മുസ്‌ലിയാര്‍, കെ. സുലൈമാന്‍, ടി. അബ്ദുറഷീദ് ബാഖവി, സി.കെ അബ്ദുല്ലക്കുട്ടി മുസ്‌ലിയാര്‍, കെ. യൂസുഫ്, യു.പി മൂസക്കുട്ടി ഹാജി, കെ. ഇസ്മാഈല്‍ ഫൈസി, കെ. അബ്ദുല്‍ റഹീം സംസാരിച്ചു. മദ്‌റസാ കമ്മിറ്റി ഭാരവാഹികളായി പി.കെ മോയിന്‍ കുട്ടി ഹാജി (പ്രസി), കെ. അബ്ദുല്‍ റഹീം (ജന. സെക്ര), കെ. ഹമീദ് ഹാജി (ട്രഷ.) എന്നിവരെ തിരഞ്ഞെടുത്തു.