കൊച്ചി: യാത്രക്കാരുടെ തിരക്ക് കണക്കിലെടുത്ത് എറണാകുളം-വേളാങ്കണ്ണി റൂട്ടില്‍ പ്രത്യേക ട്രെയിന്‍ സര്‍വിസുമായി റെയില്‍വേ.
അടുത്ത മാസം എല്ലാ ശനിയാഴ്ചകളിലുമായിരിക്കും സര്‍വിസ്. ജൂലൈ 6, 13, 20, 27 തിയതികളില്‍ രാവിലെ 11ന് എറണാകുളം ജങ്ഷനില്‍ (സൗത്ത്) നിന്ന് പുറപ്പെടുന്ന ട്രെയിന്‍ (06015) പിറ്റേ ദിവസം രാവിലെ ഏഴിന് വേളാങ്കണ്ണിയിലെത്തും. എല്ലാ ഞായറാഴ്ചകളിലുമാണ് എറണാകുളത്തേക്കുള്ള മടക്ക സര്‍വിസ്. ജൂലൈ 7, 14, 21, 28 തിയതികളില്‍ വൈകിട്ട് 6.15ന് വേളാങ്കണ്ണിയില്‍ നിന്ന് പുറപ്പെടുന്ന ട്രെയിന്‍ (06016) പിറ്റേന്ന് ഉച്ചക്ക് രണ്ടിന് എറണാകുളം ജങ്ഷനിലെത്തും.