കൊല്ലം: ജില്ലാ പഞ്ചായത്ത് ചിതറ ഡിവിഷനില്‍ മുസ്‌ലിം ലീഗ് സ്ഥാനാര്‍ഥിയെ പ്രഖ്യാപിച്ചു. മുസ്‌ലിം ലീഗിലെ അഞ്ജു അനൂപ് നായര്‍ കോണി അടയാളത്തില്‍ യു.ഡി.എഫ് സ്ഥാനാര്‍ത്ഥിയായി മത്സരിക്കുമെന്ന് ജില്ലാ പ്രസിഡന്റ് എം.അന്‍സാറുദീന്‍ അറിയിച്ചു. ശക്തമായ മത്സരത്തിലൂടെ ചിതറ ഡിവിഷനില്‍ ഇത്തവണ യു.ഡി.എഫ് വിജയം വരിക്കുമെന്നും മുസ്‌ലിം ലീഗ് ജില്ലാ പ്രസിഡന്റ് പറഞ്ഞു.

ബി ടെക് സിവില്‍ എഞ്ചിനീയറിംഗ് ബിരുദ ധാരിയായ അഞ്ജു സാമൂഹ്യ സന്നദ്ധ പ്രവര്‍ത്തനങ്ങളില്‍ ഇതിനകം തന്നെ ശ്രദ്ധേയയാണ്. ജനാധിപത്യ ചേരിയില്‍ ശക്തമായി നിലയുറപ്പിച്ച കുടുംബ പാരമ്പര്യമുള്ള അഞ്ജു, ഉണ്ണികൃഷ്ണന്‍ നായരുടെയും കെ.ഉഷയുടെയും മകളും അനൂപ് ആര്‍.നായരുടെ ഭാര്യയുമാണ്. മൂന്നര വയസുകാരിയായ ജാന്‍വി മകള്‍ ആണ്.