കൊച്ചി: മലയാളം സിനി ടെക്‌നീഷ്യന്‍സ് അസോസിയേഷന്‍ (മാക്ട ) ഭരണ സമിതി തെരഞ്ഞെടുപ്പ് മാറ്റിവച്ചെന്നുള്ള വാര്‍ത്ത അടിസ്ഥാന രഹിതമാണെന്ന് മാക്ട ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മുന്‍നിശ്ചയിച്ച പ്രകാരം തെരഞ്ഞെടുപ്പ് 29ന് നടക്കും.
പോസ്റ്റല്‍ ബാലറ്റ് സംബന്ധിച്ച് ക്രമക്കേടുണ്ടെന്ന് കാണിച്ച് നിലവില്‍ എറണാകുളം മുന്‍സിഫ് കോടതിയില്‍ കേസ് നിലനില്‍ക്കുന്നുണ്ട്. കര്‍ശന സുരക്ഷയില്‍ തെരഞ്ഞെടുപ്പ് നടത്താന്‍ കോടതി അനുമതി നല്‍കിയിട്ടുണ്ടെന്നും ഭാരവാഹികള്‍ പറഞ്ഞു.