കൊച്ചി: സംഗീതജ്ഞന്‍ ബാലഭാസ്‌ക്കറിന്റെ മരണത്തിനിടയാക്കിയ കാറപകടത്തില്‍, കാര്‍ ആരാണ് ഓടിച്ചതെന്ന് സ്ഥിരീകരിക്കാനായിട്ടില്ലെന്ന് ക്രൈംബ്രാഞ്ച് ഹൈക്കോടതിയെ അറിയിച്ചു. സാക്ഷിമൊഴികളില്‍ വൈരുധ്യമുണ്ടന്നും ശാസ്ത്രീയ പരിശോധനയിലൂടെ മാത്രമേ ഇക്കാര്യം വ്യക്തമാവൂ എന്നും ക്രൈംബ്രാഞ്ച് റിപ്പോര്‍ട്ടില്‍ വ്യക്തമാക്കി.
അപകട മരണം സംബന്ധിച്ച അന്വേഷണ റിപ്പോര്‍ട്ട് കോടതി നിര്‍ദേശിച്ചതിനെ തുടര്‍ന്നാണ് ക്രൈംബ്രാഞ്ച് കൈമാറിയത്.